وكالات//
شدو البوليس ديال مدينة نيويورك الميريكانية نجم موسيقى البوب الميريكاني المشهور جاستن تامبرلانك، بعدما لقاوه سايك الطوموبيل ديالو وهو سكران.
على حساب مقالت وكالة “رويترز” للأنباء، فالبوليس شدو المغني المشهور في العالم كامل، في واحد المنطقة سميتها ساج هاربور بنيويورك.
وقالت أنه شدوه بعدما تعشا في واحد لوطيل كاين في المدينة وعركها شراب قبل ميهز الطوموبيل.
كيجي هادشي واخا أن المغني العالمي عندو جوج ديال الحفلات كبار ف اللخر ديال السيمانا هدي في كاليفورنيا.
