أعربت الفنانة المصرية شيرين عبد الوهاب ، عن امتنانها لزميلتها الفنانة اللبنانية هيفاء وهبي، من خلال تدوينة شاركتها عبر حسابها الرسمي بمنصة “اكس”.
ونشرت شيرين عبد الوهاب عبر صفحتها صورة لهيفاء وهبي، وكتبت عليها: “أنا رديت على النجمة هيفاء وهبي مش عشان باركتلي على الأغاني النجمة هيفاء وهبي عملت معايا مواقف جدعة اقرب الناس ليا ما عملتهاش علشان نفسيتي تبقى أحسن، كانت بتكلمني يوميا عند الدكتور وكانت عاوزة تاخدني أقعد عندها وتخرجني ومودي يبقى حلو وتدخلني مكان يظبطولي الفيتامينات اللي في جسمي ويخسسوني”.
وأضافت شيرين : “هيفا اثبتت ان الصديق الوفي مش لازم هو اللي جنبك ممكن يكون بعيد عنك، من أجدع وأنظف وأكرم الناس اللى شفتها فى الوسط الفني هيفا بموقفها ده اشترتني طول عمري وهفضل لحد ما أموت ممتنة ليها ولوقفتها معايا في الوقت ده.. الوقت اللي كنت فيه وحيدة وتعبانة ومكتئبة وبعيط وجت اطمنت عليا وحسستنى اني ليا اخت فعلا شكرا يا هيفا يا حبيبتي. وياريت ياريت فى مصر لو في مشاكل انا بناشد اى حد ان الست دى طيبة جدا جدا متستاهلش إلا كل خير”.
ويشار أن هيفاء وهبي هنأت شيرين عبد الوهاب قبل أيام قليلة ، بنجاح ألبومها الجديد من خلال تدوينة جاء فيها: “ألف مبروك حبيبي اللي نور مكانه الصح، والفراغ اللي محدش يعرف يملاه”، وأرفقت تهنئتها بهاشتاغ بأسماء الأغنيات الثلاث التي طرحتها شيرين “هنحتفل” و “اللي يقابل حبيبي” و”بتمنى أنساك”.
